御老鍋台式火鍋

呢幾日有朋友嚟香港玩， 住喺呢間酒店，話呢度有間台式火鍋想試吓，於是一齊去食過中午飯。

呢度裝修都幾有心思，坐得舒服， 而且店員細心服務， 照顧好所需，好啱一班人聚會。

湯底方面，為咗唔熱氣，我哋揀咗芫荽皮蛋豆腐窩， 侍應介紹先飲湯，然後再開始打邊爐。

我哋叫咗個拼盤套餐，份量都唔細， 各種肉類，海鮮材料都幾新鮮。

帶子大大粒，而且非常新鮮。 仲有台式椒麻貢丸， 好友地道風味。

當然唔少得香港買唔到嘅王子麵， 即刻又返咗台灣嘅感覺。

套餐都送一支清甜嘅龍眼杞子茶， 解油膩得來又唔太甜，幾好。