更多
2020-05-01
445 瀏覽
今日黎灣仔旺記冰室,呢度嘅下午茶幾抵食,雖然呢度用板隔開啲枱,又有做足探熱,不過我都係買外賣穩陣。落單後,等5分鐘左右就有喇。外賣每個餐+$1。麥包三文治四重奏系列($32),有好幾款餡料可以揀。我揀左免治牛肉、生菜、蛋、花生醬。好香好吸引。中間嘅餡料接近2寸厚,好足料!鮮忌廉雞湯鮑魚火腿絲通粉,配牛油麥包厚多士($38)。個湯好濃郁,好重雞味而且幾結身,好正!食完又唔會口乾,應該無味精!入面仲有爽口嘅鮑魚絲同火腿絲。飲品有熱奶茶同柚子蜜,奶茶奶味濃,茶亦濃,飲完超醒神!
張貼