五穀豐收 (已結業)

今天和友人相約在佐敦食午餐，係澳洲牛奶公司條街搵野食，行行下見到有間舖幾多人，是賣中菜同甜品的 五穀豐收。 同友人係13:30係五穀豐收外面排隊，入面可以坐大約有20-30人，但午餐時段，仍然是滿座衛星包，我地等左5-10分鐘就入得。 坐下後，我地分別叫了青檸豬排菜飯。配A類甜品-芝麻糊，和粟米石斑菜飯配C類甜-薑汁撞奶。 青檸豬排菜飯係叫左5分鐘後送上，豬排同飯分開上，豬排有5塊左右，豬排肉很結實，很有肉味，亦有肉汁，份量亦多，另外豬排跟豆腐花送上，豆腐花亦很滑很新鮮。而菜飯的菜亦好新鮮。 等了10分鐘後，粟米石斑菜飯亦送上，粟米汁很甜很濃郁，石斑塊的肉亦很實，唔會炸完散晒，炸粉唔厚，味道不錯。 最後芝麻糊同薑汁撞奶一齊送上，很傳統的中式糖水，味道正常，不過不失。