黑蒜 (建德工業大廈) (已結業)

疫情嚴重都唔敢出街食嘢，依家直接簡單啲買外賣食，今日咁岩喺黃竹坑staycation，最尾揀咗呢間黑蒜，專做外賣嘅，標榜咗每日自家製，睇落啲嘢食都好健康好吸引。今日嘅餐牌我哋揀咗黑蒜清湯牛肋條，估唔到份量都超大，俾咗成四條牛肋條，另外煮得幾淋，一啲都唔會靭，另外佢哋唔係普通白飯，而係糙米飯，健康好多同埋都會附送菜心，真係健康之選，都幾適合打工仔去。另外我哋揀咗咖喱豬扒飯，同埋都加咗粒特大魚蛋，魚蛋非常之彈牙，唔使入到去長洲都食到😜另外咖喱都好惹味，撈飯一流。另外套餐仲包左嘢飲或者湯，平時少啲飲住家湯今次就揀咗要碗湯，個湯都好足料，蕃茄紅蘿蔔湯，非常鮮甜應該都冇落味精。