NUTTEA (海光街) (已結業)

公司樓下開左呢間NUTTEA咁耐，次次經過佢時都一係就食到勁飽，一係就見到入面好多人，今日既下午茶時間4點幾又餓餓地，就試下落去搵野食，咁岩見到NUTTEA 難得地冇人排，因為人人都番晒工，機會就黎喇飛雲，就叫左杯佢貼晒出黎寫住2019年台灣奶茶節金獎既伯爵朱古力堅果奶蓋茶，menu到仲mark住左3粒星星推界，亦係全店最貴既一杯。伯爵朱古力堅果奶蓋茶 $47呢杯伯爵朱古力堅果奶蓋茶係寫明用100%純巧克力無牛奶添加製作而成既，而個伯爵茶就係屬於印度產地既格雷伯爵，面頭有一層厚厚用堅果打成既朱古力味奶蓋，奶蓋相當濃郁厚實，店只係會直情比支匙羹你舀黎吃既咁厚身，食落去就好似食緊朱古力mousse咁，但朱古力味就唔係好夠濃，可能因為比D nuts 味蓋過左，奶蓋下既茶底係好清香伯爵紅茶，茶味都香醇，但如果撈埋D奶蓋一齊咁入，成杯係好淡味，亦唔似飲緊奶茶，冇奶味又冇朱古力味，飲緊一杯甜甜地既紅茶咁，有少少怪，不過成杯飲完係會好飽，因為個奶蓋的確係幾厚，不過個人認為呢杯茶有貴左少少，下次再飲會想試下其他味。