職業樂師同樂會(意盧) （Closed） (已結業)

多謝網友介紹，如果唔係都唔知呢間好嘢。叫咗拼盤($70)、香茅牛肉米粉涼伴($22)同扎肉餅($22)。拼盤有春卷、蔗蝦、豬肉蝦片同肉餅，分量唔算細，而且有水準，蝦片夠脆而沒有丁點軟韌，肉餅就爽口彈牙，蔗蝦亦好，連條蔗咬落去重有清甜嘅蔗汁。老婆最鍾意檬粉，夠哂清爽。有位阿姐幾好傾講，佢話扎肉係從越南定番嚟，算ok。佢又話啲茶係花茶，係老闆娘將玫瑰花同茉莉花溝幾隻綠茶而成，飲落幾舒服順喉。阿姐話佢哋做埋今個月咋，依家搵緊地方搬。希望佢哋搵到好地方繼續做。