好彩海鮮酒家

人生第一次寫食評竟然是一間老牌酒樓，事源是今日book咗枱同屋企人做冬，最後去到的時候佢哋同我講無我嘅Booking，佢地完全冇諗過係自己餐廳miss咗我既booking，跟住我拎出好多嘅證據，例如幾點book、中間嘅對話內容、通話紀錄。佢哋都覺得係完全無問題，態度極之惡劣。好似覺得我專登講大話為咗食佢間酒樓咁樣，完全冇人理我，跟住換咗另一位男經理過嚟，仲要同你講，我哋今晚冇枱都幫唔到你，現在都係口同鼻拗，我話你冇book枱都得，冇聽過你電話都得，咁嘅服務態度真係無明火起，仲要搵三個經理圍住你。
最後因為有一張大枱取消booking 就好似施捨俾我噤，如果唔係同屋企人有長輩喺度，真係唔會繼續喺度食，嘢食再好都冇用啦！