泰特色泰國餐廳 (已結業)

服務惡劣到要特登留一篇文，平時都唔打食評。嗌左五樣野，一個咖哩腩，馬拉盞通菜炒雞肉，芒果椰汁冰，一個白飯，一個香煎酥餅。一嗌完，待應話無通菜，跟住問佢有咩菜，佢話其他菜都有，咁就嗌左菜苗，等左一陣黎左個咖哩腩先，之後黎左酥餅，menu寫三塊，點知黎得兩塊，同佢講番話之後補俾我地。之後就一值得個等字，隔離枱遲入過我地d野都黎齊曬，我地除左果兩樣就無黎過，連後補塊酥餅都無黎到。催一催佢之後，佢先同我地講無菜苗，仲有佢直情似係漏單，問番我地嗌左d咩無黎到，有沒搞錯，等左咁耐，仲要話無囉，咁無果時又唔出聲，離曬譜，咁我地講多次仲差杯飲品，個菜就轉做馬拉盞西蘭花炒雞肉，同一個白飯，結果黎到係炒泰式炒西蘭花，仲要無雞肉重點係連個白飯都要個菜黎左之後再催多次先有，有乜可能咁多甩漏服務員仲要俾d面色我地睇，好似我地係咁搵佢麻煩咁最尾買單佢張單係入左泰式西蘭花炒雞肉都唔知邊個問題啦咁食咁耐野最差服務都係呢間，永久blacklist價錢一般啦但咁既服務，我寧願食m記仲開心