當日早去，仲未晚餐時段，人唔算多。一坐低就有職員推薦大頭蝦，指住個小魚缸話係每日限量，一陣間午餐時段好多人叫就冇晒㗎啦😖 鍾意食海鮮嘅我梗係不甘示弱嗌左五隻先🤣
真係好新鮮，食落彈牙，即撈即燒，啱啱好！
壽司一食就食得出係新鮮即握，所有材料都好新鮮，鮮味十足！
慢慢追印象深刻係呢個海膽三文魚卷。濃郁嘅海膽配上鮮甜嘅三文魚，有陣味覺衝擊！下次去想再食啊！
呢個魚係職員同大頭蝦一齊推薦，果然無介紹錯，雖然望落去好燶，但係其實全條魚都好juicy！
反而呢一個壽司杯，我覺得有啲失望😞唔知係個人口味問題定點，覺得冇其他菜式咁新鮮？不過就幾新奇同埋打卡一流🤣🤣
