Day and Nite by Master Kama (已結業)

跟媽媽慶祝生日，到「開飯」搵好嘢食，見到呢間唔錯嘅Cafe，就向家姐提議去試試，雖然打電話訂位時講咗得90分鐘，不過上到去職員話如果唔太多人，佢哋都唔會催促我哋走人，之後點菜時，當然會點勁多人推介嘅龍頭包啦，跟住點咗龍頭pizza，虎蝦扁意粉，拼盤，沙律等等，點完餐就叫職員落單先，再睇睇有乜特色飲品，點知未睇晒餐牌啲嘢食就開始上枱，真係快靚正，口味嘅嘢人人唔同，我唔想勁like之後人哋以為我幫佢賣廣告，不過我同屋企人一致推介龍蝦包同虎蝦扁意粉，但係甜品就失望啲，同個餐牌完全係兩回事，另一樣唔係咁好嘅就係放食物嘅餐具，Pizza，龍蝦包同拼盤都係用木造嘅盤嚟上枱，不過其中兩個盤比較黑，好似有啲霉菌喺上便咁，而且又有裂痕，呢樣真係要好好改善喇，不過呢間Cafe我都再去食同介紹比朋友嘅