好似好耐無食韓國野，就搵間新野試下。
上到去個裝修好新淨同乾淨，俾左個卡位我地，太好了！佢地太約有8成店員都係韓國人，佢地都好好禮貌！
講返食物，我地order 左個DIY 飯團， 意外地覺得好好味，韓國店員會係你面前整俾你食
𥚃面有紫菜，芝麻，應該加左少少泡菜。好味
另外，我地都叫左兩款炸雞，分別係蜜糖芝士雞同秘製辣雞。
我好鍾意個蜜糖芝士，因為佢甜甜地，又夠芝士味，如果你都鍾意食香口既雞，一定要叫。
至於秘製辣雞，真係要食得辣先好叫
因為佢真係好辣，哈哈。結果要打包俾食得辣既朋友食！
總括而言，呢間餐廳都值得大家一試。因為佢地係上樓，所以算易拎位。我仲見佢有其他好似幾好味既食物未試，我會再去的
