四季良晨 (迎海薈) (已結業)

今日突然想食湯麵，諗起呢間想試好耐既餐廳，今次就俾機會佢啦。🍴 惹味牛腩麵賣相冇乜特別，先試一啖湯底，估唔到有驚喜😋湯底非常出色，好香濃既牛肉湯味，但又唔會好味精，食完唔會有想飲水既感覺。牛腩亦都煮得好冧好入味，而麵條都好彈牙，非常唔錯。另外，配菜有紅、白蘿蔔，都好冧唔會有渣。🍴 蕃茄濃湯水餃又係我既習慣，先試一啖湯，同樣都係咁驚喜。蕃茄湯非常之濃郁，酸酸甜甜好開胃。雖然水餃一般水平，但配埋蕃茄湯底食，即刻加晒分。