五要素食堂 (已結業)

同素食朋友外出食飯, 要搵一間包括素食款式嘅餐廳選擇唔多, 周圍逛就發現The One呢間日式西餐廳「五要素食堂」, 門外望下menu, 都有少量款式供素食者選擇, 最後決定今晚係呢間餐廳dinner。店內主要以石灰牆做主調, 配以木系傢俱, 非常配合fusion菜餐廳。晚市款式選擇多, 沙律、意粉、pizza、丼飯、扒類、甜品, 就連清酒都有。我點咗---燒熟成厚切牛舌丼再+$18 加配定食: 日式洋蔥湯、薯仔沙律厚切牛舌切粒, 表面微微煎過, 鎖住肉汁, 口感彈牙juicy, 份量都幾多, 夾蒜片食, 香口又平衡表面油感, 飯底為日本珍珠米飯, 粒粒分明又軟熟, 加咗少少燒汁, 食落唔會寡。日式洋蔥湯: 有好林嘅洋蔥、菇薄片, 湯偏鹹咗少少薯仔沙律: 薯仔偏林, 加咗芝士碎、極少青瓜, 凍食唔錯。