今日同同事食呢間喺太子都幾出名嘅海南雞飯！
海南雞，雞皮鮮黃油亮，食落滑捋捋，雞肉嫩滑雞味濃，仲有肉汁，夠哂鮮味。油飯有少少乾蔥，所以非常香口，油飯粒粒分明又有咬口。
仲有三色醬汁:記得先食薑蓉，保留原味。薑蓉帶住清新辛香，辟走少少油膩，昇華咗雞嘅肉香，；第二再食酸辣醬，非常鮮辣，酸酸哋好開胃，第三撈埋黑醬油，甜甜哋濃香醬油味平衡返酸味對味蕾嘅衝擊感，撈埋雞油飯食簡直停唔到口！
最後收尾飲返個雞雜冬瓜湯，清淡鮮甜。
凍奶茶！茶味夠濃又唔澀，奶泡好有口感，茶奶比例適中。
上菜速度又快，一落單， 2分鐘就到，快過火箭！
但係中午就好多人排隊，最少排10分鐘先有得食！
