一漁外賣壽司

疫情持續下，都唔係咁敢堂食，但又想食日本野，近近地再次光顧「一漁」。

雜錦刺身丼 :
所有刺身都係即叫即整，所以等候需時，刺身有三文魚、帶子及吞拿魚，每樣都非常新鮮，面頭鋪滿蟹籽，配上玉子粒及青瓜粒，賣相好吸睛，刺身份量都幾多，以56蚊連飲品黎講算幾抵食。

三文魚刺身 :
一份有八件，全部都係厚切，每件都好肥美，入口非常鮮甜，感覺好滿足。

赤海蝦刺身 :
一份有四隻，每隻都有成半隻手掌咁大，非常吸引，食落爽口彈牙，食完蝦肉仲可以食埋蝦膏，鮮味十足。

以街坊小店黎講，水準算唔錯，值得再度支持。