影片
更多
2010-08-09
17 瀏覽
就因為一個Lunch ,, 我呢個作病既星期三變左一個Yummy Wednesday!呢個星期三, 係本身已經病病地同唔想食公司Canteen既Lunch之下,就心郁郁走左上去個景好靚既帝苑酒店Le Soleil越南餐廳啦!閒日Book Lunch 完全無難度, 到左之後, 個經理仲好快安排左一張唔曬既枱俾我坐, 身處一個好似空中花園咁既餐廳, 啲陽光從高處曬落黎, 個人好似精神左添。得一個鐘頭Lunch, 好快睇睇佢地個Set Lunch Menu就落左order: 前菜係 越式拼盆, 有春卷、牛油果燒蝦米紙卷同埋香煎扎肉餅一試就試片扎肉餅, 但稍稍乾左少少; 再試中間既牛油果燒蝦米紙卷, 都幾得意喎, 食落感覺好清新; 最後再食春卷, 生菜同春卷包埋一齊食, 爽爽脆脆, 係我想像得到的越式感覺, 所以最特別既都係個牛油果燒蝦米紙卷。員工Lily走過黎幫我落Order既時候, 可能係留意到我個病樣啦, 佢就介紹我飲鹹檸蜜。但好好彩同個拼盆啲小食又幾Match喎, 當堂開始有啲胃口啦。呢餐最滿意既係主菜, 海鮮蕃茄湯米線, 一飲個湯就不期然一飲再飲, 佢啲湯濃而不酸, 配合埋爽口彈牙既
呢個星期三, 係本身已經病病地同唔想食公司Canteen既Lunch之下,就心郁郁走左上去個景好靚既帝苑酒店Le Soleil越南餐廳啦!
閒日Book Lunch 完全無難度, 到左之後, 個經理仲好快安排左一張唔曬既枱俾我坐, 身處一個好似空中花園咁既餐廳, 啲陽光從高處曬落黎, 個人好似精神左添。
得一個鐘頭Lunch, 好快睇睇佢地個Set Lunch Menu就落左order:
前菜係 越式拼盆, 有春卷、牛油果燒蝦米紙卷同埋香煎扎肉餅
一試就試片扎肉餅, 但稍稍乾左少少; 再試中間既牛油果燒蝦米紙卷, 都幾得意喎, 食落感覺好清新; 最後再食春卷, 生菜同春卷包埋一齊食, 爽爽脆脆, 係我想像得到的越式感覺, 所以最特別既都係個牛油果燒蝦米紙卷。員工Lily走過黎幫我落Order既時候, 可能係留意到我個病樣啦, 佢就介紹我飲鹹檸蜜。但好好彩同個拼盆啲小食又幾Match喎, 當堂開始有啲胃口啦。
呢餐最滿意既係主菜, 海鮮蕃茄湯米線, 一飲個湯就不期然一飲再飲, 佢啲湯濃而不酸, 配合埋爽口彈牙既海鮮同米線, Yummy Yummy!
最後因為開始趕趕地, 所以無影甜品, 如果唔係我肯定就會食哂呢個好好食既芒果椰汁涼粉啦!
今次食得飽飽又滿足, 雖然埋單都要成百, 但係對於忙到餐餐可能只食快餐既人黎講, 趕趕地咁食返餐好既都已經可以回味到收工了~
張貼
