更多
2015-09-20
2289 瀏覽
工作辛苦梗系要對自己好d啦，食餐開心又滿足既慰勞自己係好正確㗎 (笑)。呢晚約左朋友去食No.5 Italian，揀左大坑店，感覺上冇cwb店咁多人。我地7:30到達，竟然冇人喎 LOL，心諗太好啦，冇咁嘈。店內裝修好cozy，播住好多耳熟能詳既英文歌，好舒服啊！不過冷氣有d凍，好彩我有帶件外套仔咋。Order完後先黎少少麵包，黑色果塊我估係墨魚汁味，配埋黑松露牛油，香到你唔信，麵包亦好軟熟，唔錯唔錯。飲品我地叫左Lychee & Peach soda，我中意Lychee多d， Peach個味好假，哈哈！前菜叫左煎帶子配露筍醬，嘩...帶子厚肉又鮮甜，每咬一口都有回彈既感覺，煎得夠哂金黃香口，加埋d黑椒令沈睡既味覺即時甦醒。旁邊有d似青豆蓉既野，好香豆味，入口仍有少少細細既豆粒，增加口感。仲有黑毛豬多士，一定要點呢個，我個人極之欣賞，咸香度10足既黑毛豬，加埋佈滿牛油香氣既脆脆多士，簡直係perfect match，真心推薦。另外較為普通既前菜有蒜片炒大蝦配意大利腸，蝦肉爽彈，加埋d蒜片令蝦肉更香口，意大利腸有點少辣，很醒神開胃喔！好多食評話一定要試海膽麵配白松露忌廉汁，呢個combi
Order完後先黎少少麵包，黑色果塊我估係墨魚汁味，配埋黑松露牛油，香到你唔信，麵包亦好軟熟，唔錯唔錯。
飲品我地叫左Lychee & Peach soda，我中意Lychee多d， Peach個味好假，哈哈！
前菜叫左煎帶子配露筍醬，嘩...帶子厚肉又鮮甜，每咬一口都有回彈既感覺，煎得夠哂金黃香口，加埋d黑椒令沈睡既味覺即時甦醒。旁邊有d似青豆蓉既野，好香豆味，入口仍有少少細細既豆粒，增加口感。
仲有黑毛豬多士，一定要點呢個，我個人極之欣賞，咸香度10足既黑毛豬，加埋佈滿牛油香氣既脆脆多士，簡直係perfect match，真心推薦。
另外較為普通既前菜有蒜片炒大蝦配意大利腸，蝦肉爽彈，加埋d蒜片令蝦肉更香口，意大利腸有點少辣，很醒神開胃喔！
好多食評話一定要試海膽麵配白松露忌廉汁，呢個combination又真係特別得黎又出奇地夾喎，手做意麵質地似意大利雲吞皮，白松露忌廉汁香滑到真係停唔到口，加上海膽口感軟軟又鮮甜，真係幾好味囉，份量看似少，但飽腹感都勁架。
Pizza方面叫左Johnny's style, 餡料有parma ham，火箭菜，白松露油，蕃茄醬，水牛芝士。最中意正宗意大利pizza, 薄薄脆脆的食左唔覺好飽，以呢個parma ham既咸香，我估有18 個月或以上，雖然有白松露汁，但未見突出，應該俾parma ham搶左 (笑)。雖然2個人食，叫左咁多野，但真係好好味，坐得舒服氣氛又好，搞到食慾大增，餓鬼上身咁，全部order既野都俾我地K.O.哂，好滿足好開心，下次會再黎食過，讚。
張貼
