豉汁鳳爪排骨飯
絕對係足料够份量，瓦煲仔上，飯粒分明唔會太濕，排骨够滑，鳳爪入味，加埋豉油撈飯，豐富美味。
乾蒸牛肉燒賣
好特別，同平時食開牛肉球好唔同，外層係用燒賣皮包住，上面仲有蟹籽。食落牛味濃郁，多汁，大粒且飽滿，必食！
蜜汁叉燒腸
1碟有6件，傳統味道，夠滑，叉燒亦足料，不過皮略嫌厚左少少。
魚肚四寶滑雞扎
大塊魚肚，好入味且爽口，而滑雞亦都算大件，肉質幾滑，仲有蟹柳在內，豐富。
XO醬蘿蔔糕
XO醬好惹味，唔算好辣，蘿蔔糕已好入味，不過略嫌唔夠實。
白灼生菜
健康之選，生菜份量不少，綠油油唔會太黃，另加左豉油調味。
蜜瓜炸鮮奶
外皮炸至金黃色，口感不俗，外脆內軟，炸鮮奶裡有淡淡嘅蜜瓜香，蜜瓜味唔會太甜，淡淡地啱啱好。
飽飽滿足嘅一餐！
