蓮香居 (已結業)

難得一班長居於新界既世伯伯友願意出城越維港覓食, 當然要帶上佢地搭下叮叮去位於上環海味街旁邊帶有廣州傳統風味既懷舊食店, 緬懷一下過去既味道啦!

到達蓮香居, 世伯伯友已經被地下的小賣店既茶葉, 舊色棋子餅, 二樓食堂牆上既假雀籠, 及放於牆邊已用多時銅金色既熱水煲, 及桌上蓮味十足既餐具所吸引, 不停的跟我地一班年輕人翻舊帳, 以古論今, 非常高興.

一行九人, 隨便的六餸一湯已令大家滿載而歸, 真是值得保留既傳統廣州菜風味!!!

:) 蓮味十足既餐具, 未用已見有風味

蓮味十足既餐具

金錢雞拼盆 (一碟12件金錢雞, 配上肥瘦剛好既叉燒, 及皮脆肉香既燒肉, 認真夠味道; 奈何食物有點涼, 如果可以再熱一點上枱, 肯定更出色)

2

金錢雞肥肉的油分彌補瘦肉的乾嚡，吃上去一樣油潤富肉香，加上豬肝獨有的香味，食落軟滑且甘香豐腴!

煎蓮藕餅 (蓮藕經煎香後, 再混上調好味的魚肉, 仍能保持香脆, 難得!)

煎蓮藕餅

冬瓜盅 (天熱喝上盛滿材料, 啖啖冬瓜肉的冬瓜湯, 解暑非常!_

冬瓜盅

八寶鴨 (賣相, 釀製功夫, 材料份量, 味道都攞足滿分的一道必食傳統廣州菜)

1

驚喜萬分, 釀製功夫精巧, 材料十足, 味道層次豐富的傳統廣東菜!

紅燒斑翅 (斑翅份量大, 魚肉烹調時間恰恰好, 再配上相當入味的枝竹, 豆腐及小棠菜, 最適合大夥人點的菜)

1

紅燒斑翅

焗魚腸 (非常傳統的一道廣州菜, 魚腸及蛋的份量配合得非常好, 最重要廚師為了避免魚腸的腥味, 在配料上加上香味十足的陳皮, 吃時上灑上少量胡椒粉, 值得一試!)

焗魚腸

馬拉糕 (難得仍可保存傳統有氣孔之黃糖馬拉糕, 鬆軟清香, 甜度又剛好, 必食!)

又香又鬆軟的馬拉糕, 熱騰騰既時候係最特別好食!!!