小伊甸 (已結業) 查看

今日熱到死，係觀塘唔知食乜好，咁岩就見到小伊甸既menu 係眼前，本身都鐘意食台灣菜，既然樓上就係餐廳，即刻殺上去嘆冷氣下午茶既餐牌有港式同台式既食物，全部都好岩食，諗左好耐最後要左個鹽酥雞扒包同鹽酥薯條，真係非常熱氣薯條🍟好大份，椒鹽份量不多不少，落少少茄汁都好夠味。雞扒包嘅鹽酥雞扒好脆，烘過既麵包入面搽左牛油，係略嫌沙律醬落得唔多。飲品係平時賞茶買到果種，嗌杯冬瓜仙草茶呃下自己可以清熱氣飲落唔錯，係略嫌杯飲品甜左啲。Overall，呢間餐廳既地理位置都幾方便，仲係少數平日會做晚市既餐廳，值得幫襯！