獨當一麵 (已結業)

平時行過呢間鋪見都有人企門外等位，就決定試下啦！一入到去，姨姨都好好招呼好好禮貌。叫左個胡椒湯米線小辣，加咸菜，瑞士汁雞翼同韭菜餃。外賣滿$30仲有紙包飲品送。開頭仲諗住佢個雞翼如果唔分開放咪會影響個湯底，但原來佢用個紙袋仔裝住啲雞翼，好貼心，值得一讚！個雞翼唔算超入味，但係唔似出面食嗰啲咁乾咁hea。似係屋企整嘅感覺，都唔錯。個胡椒湯底都香，以我平時唔食辣黎講，小辣（20%胡椒湯）都食到。米線比出面食嘅軟滑，反而呢個令我有啲意想不到。最後個韭菜餃，入面應該得韭菜冇肉，但係都好食好夠味。