天之樂素食 (已結業)

今日午餐時段經過利源東街, 見到呢間素食的外賣店, 出售素漢堡,Pizza,意粉, 幾得意。攞左張單張睇下, 原來呢間食店出售天貝(tempeh)大豆發酵的酵素食物, 我特登網上找了資料，天貝以豆類和天貝菌種發酵而成，好似納豆的製造要發酵，但無納豆的特殊味道與口感，吃起來綿密扎實。而且發酵過程中營養分子變小，吃了不容易造成脹氣，吸收更快而且蛋白質含量非常高。我就外賣了咖哩素漢堡加湯咖哩素漢堡內面的番茄同生菜好新鮮, 而且個包是烤過, 變得鬆脆。重點啦, 漢堡中的天貝仿牛扒味道如何呢? 天貝扒外層炸過，內裹係豆，食起來十分軟綿的口感，味道方面, 有豆香和一些特別香料味, 完全都食不到豆腥味, 整體來講好味的，咖哩味加了少少辣味, 變得更香口。湯是南瓜紅蘿蔔湯，好清甜不油膩，很易入口的。素食食物對地球環保好，大家要多多支持素食，減少肉食。呢間食肆係外賣店，外賣餐具都用紙的物料，睇得出好心的, 抵讚! 值得一試的健康素食！