茶狼 (已結業)

我都係個台茶控，閒時經過台式飲品鋪都忍唔住會買來自己飲底同女女share。剛好尋日飲完茶經過APM，先發現原來開咗 茶狼， 睇來我真係太少行APM呢邊啦。之前聽朋友講話正，今次遇啱無乜人唔駛點等，又點忍到手唔試呢？見佢地出咗新嘅熱飲 - 紫薯奶烏龍茶剛好紫薯又係女女鍾意，又多個藉口買來試。雖然加咗紫薯蓉同奶，但烏龍茶嘅茶香未有被兩者而掩蓋飲落入口仲有濃濃嘅烏龍茶香，呢一點我比較欣賞。紫薯蓉中帶粗粒狀，所以較為有口，食落仲幾香，亦好順滑。*題外話，呢個紫薯熱有仲有奶蓋版，只係HKD$35，但本身好少飲奶蓋所以無揀。店內間間亦幾舒適，見到有唔少茶客都係店內嘆茶。下次或者等人時都可以去扮下偽文青。