肉骨皇 (已結業)

本來諗住叫得XX皇，梗係有啲料到，原來。。。點咗幾樣最基本嘅馬來食品。檳城肉骨茶（細）$68聞落有濃烈藥材味，食落就有啲澀味，因為藥味太勁。另外，豬骨入口夠軟，OK好食。但整體唔多正宗。海鮮叻沙 $55雖然見到一片橙紅色油脂鋪滿面，但就無蝦湯的鮮味，只有椰奶味，其餘魚片，蝦，荳卜，味道OK唔難食。加多沙律 $48呢個真係唔得，除咗成份見到椰菜同花生啱數之外，嗰醬真係唔知咩事，我食過巿面好多加多加多，以呢個最差。海南雞飯 $68只見幾件雞胸，肉質鞋亦老，無雞味。油飯唔似用雞湯煮過。連醬油同薑茸都非常一般。總結，價錢唔貴，唔覺得好揾笨。就係唔覺似食緊馬來西亞嘢。