之前已經食過bari uma, 記得我果時係俾佢地既肉深深吸引，最近係中環行街經過見到開左新既舖頭，即刻要試下！
環境格局同其他分店有少少分別，係一排排的。
因為我真係好鐘意食肉，所以今次叫左特盛豚肉拉麵。
湯底好濃厚，有筍同蔥花做配料，麵條係比較幼身果種。
每一塊豚肉都好厚身，但好容易咬開好嫩，肥瘦比例岩岩好，超正
面頭有少少辛味辣醬，好好味。
整體感覺個水準同我之前食既一樣，保持得好好。
今次我叫左一份煎餃試下，煎餃外層好香脆，個皮唔會太厚，咬落去仲有汁，唔錯
呢個抹茶紅豆雪糕我上一次已經試過，抹茶雪糕好香濃軟滑，必試！
