更多
2021-02-08
4212 瀏覽
2021年2月2日 星期二對上一次黎呢一間餐廳已經係19年10月既事，當時同老婆，仲有同事一齊去，叫左好多野食，品質非常好，留下左深刻既印象之後一直都想再黎，不過實在係好難book位，因為長期都full booking，要預約通常都要兩星期後。。。於是今日就決定上黎買外賣返屋企食，點都要再試吓呢間餐廳既食物！！上到去餐廳，由於疫情關係，餐廳唔可以超過一半客人，而且每枱最多只有兩個人，所以難怪點解餐廳經常爆滿，因為可以容納嘅客人唔太多，但係完全唔迫夾餐牌一貫係五光十色，而且全部菜式嘅名稱都好特別，玩食字得黎又有意思，最後我叫咗兩份嘢食，加一個沙律，希望可以足夠我同老婆兩個人食價錢每人大約$150，分別有軟殼蟹薄餅同肉眼扒沙律返到去首先急不及待咁打開薄餅，見到有好大隻軟殼蟹喺薄餅上面，薄餅仲要暖暖地，咬落去千島醬酸酸地，幾醒胃，而且配埋軟殼蟹一齊食，感覺會冇咁油膩，薄餅邊好脆口，而且成個薄餅可以切開八件，兩個人來講份量差唔多之後有肉眼扒，已經預先切好咗一嚿嚿，方便進食，生熟度大約係medium rare，見到裏面嘅肉質係粉紅色，不過完全冇血水流出黎，咬落去好腍，充滿牛肉味，旁邊仲有麻醬蕎麥
對上一次黎呢一間餐廳已經係19年10月既事，當時同老婆，仲有同事一齊去，叫左好多野食，品質非常好，留下左深刻既印象
之後一直都想再黎，不過實在係好難book位，因為長期都full booking，要預約通常都要兩星期後。。。
於是今日就決定上黎買外賣返屋企食，點都要再試吓呢間餐廳既食物！！
上到去餐廳，由於疫情關係，餐廳唔可以超過一半客人，而且每枱最多只有兩個人，所以難怪點解餐廳經常爆滿，因為可以容納嘅客人唔太多，但係完全唔迫夾
餐牌一貫係五光十色，而且全部菜式嘅名稱都好特別，玩食字得黎又有意思，最後我叫咗兩份嘢食，加一個沙律，希望可以足夠我同老婆兩個人食
價錢每人大約$150，分別有軟殼蟹薄餅同肉眼扒沙律
返到去首先急不及待咁打開薄餅，見到有好大隻軟殼蟹喺薄餅上面，薄餅仲要暖暖地，咬落去千島醬酸酸地，幾醒胃，而且配埋軟殼蟹一齊食，感覺會冇咁油膩，薄餅邊好脆口，而且成個薄餅可以切開八件，兩個人來講份量差唔多
之後有肉眼扒，已經預先切好咗一嚿嚿，方便進食，生熟度大約係medium rare，見到裏面嘅肉質係粉紅色，不過完全冇血水流出黎，咬落去好腍，充滿牛肉味，旁邊仲有麻醬蕎麥麵添
另外其實牛扒上面有兩塊脆片，脆卜卜幾好食，如果用嚟送酒應該一流
最後仲有一份沙律，有各種唔同嘅沙律菜同蕃茄，再配埋野莓，食落去感覺好清新，食完牛扒再食返沙律就岩岩好
張貼
