更多
2011-03-10
144 瀏覽
一向都知Grand Hyatt嘅buffet出名好食, 既然男朋友生日, 即管試下佢係咪名副其實啦~ 頭盤 – 蘋果沙律, 橙蝦沙律, 螺絲粉, 芒果蝦沙律杯 , 凍茄子 沙律嘅汁調得各有特式, 加上用料新鮮配以唔同既生果做主題, 一食已經令我好開胃~ 凍凍地嘅螺絲粉煮得恰到好處, 好有彈性, 加上美味嘅汁同多種菇類, 又一開胃菜~ 凍茄子鮮甜入味, 切得細細粒, 一啖一口~ 切同煮都相當細心~鵝肝醬 – 寫明自製嘅鵝肝醬, 擺明招牌菜, 當然要切一大舊試試啦~ 有3款麵包任君選擇…我搽上一層厚厚嘅鵝肝醬, 入口係相當濃烈嘅鵝肝味, 但一D都唔會腥, 而且口感幼滑細緻~ 冷盤 – (長腳蟹, 青口, 蝦, 螺) 青口一般, 加上我一向唔太好青口~ 螺第1粒可接受, 但唔夠鮮味, 加上食第2粒已經有沙, 無哂想食第3粒嘅衝動 蝦新鮮彈牙, 而且隻隻都已經去哂殼,
即管試下佢係咪名副其實啦~
頭盤 – 蘋果沙律, 橙蝦沙律, 螺絲粉, 芒果蝦沙律杯 , 凍茄子
沙律嘅汁調得各有特式, 加上用料新鮮配以唔同既生果做主題, 一食已經令我好開胃~
凍凍地嘅螺絲粉煮得恰到好處, 好有彈性, 加上美味嘅汁同多種菇類, 又一開胃菜~
凍茄子鮮甜入味, 切得細細粒, 一啖一口~ 切同煮都相當細心~
鵝肝醬 – 寫明自製嘅鵝肝醬, 擺明招牌菜, 當然要切一大舊試試啦~
有3款麵包任君選擇…我搽上一層厚厚嘅鵝肝醬, 入口係相當濃烈嘅鵝肝味,
但一D都唔會腥, 而且口感幼滑細緻~
冷盤 – (長腳蟹, 青口, 蝦, 螺)
青口一般, 加上我一向唔太好青口~
螺第1粒可接受, 但唔夠鮮味, 加上食第2粒已經有沙, 無哂想食第3粒嘅衝動
蝦新鮮彈牙, 而且隻隻都已經去哂殼, 啖啖肉, o岩哂D唔like剝殼嘅懶人...
長腳蟹切好一半半, 一拮就係白白嘅蟹肉, 而且蟹肉鮮甜, 呢個要狂食~
刺身 – (甜蝦, 八爪魚, 墨魚, 三文魚, 吞拿魚)
其實仲有一款魚, 但我唔知係乜魚, 所以列唔到出黎呢
刺身已經有6款選擇, 而且食得出係新鮮嘅, 確係已經交足貨~
上湯龍蝦 – 呢個真係要主力推介, 龍蝦煮得剛剛好, 所以肉同殼已經分離,
剝殼時相當容易~ 加上簡單嘅中式煮法配以新鮮龍蝦, 成件事已經美味到極~ 又一樣狂食菜式
Prama ham – 有3款唔同嘅風乾火腿, 3款都偏咸, 一定要加哈密瓜一齊食先有中和嘅感覺, 不過其實3款我都唔太like呢~
人參杞子雞湯 – 似燉唔似煲, 自己一向好鍾意飲燉嘅湯, 因為唔油而且精華係哂湯度, 呢個雞湯就正正岩哂我喇~
甜品 & 雪糕 – 甜品一般無驚喜, 簡直係無一款特別好食~ 不過雪糕食得出係自製, 而且有一款梨味嘅雪芭既清新又特別~
雖然種類唔多, 不過食野我一向貴精不貴多, 最緊要每樣食物係新鮮而且細心烹調, 就已經足夠~
而且服務態度良好, 每次食完一碟, 服務員都會立刻收拾, 加上態度十分友善, 確係一個唔錯嘅buffet !!
張貼
