更多
2019-02-27
6100 瀏覽
同中同去瓊華懷愐中學時光：影貼紙相，食返餐日式shabu shabu 啲回憶即刻返晒黎！放工即刻趕過去，好彩book左位唔使等，仲要咁啱上次都係同一個位食！對面都係同一個fd陪我食添呀！首先我地嗌咗一個新出嘅海膽龍蝦湯，之前就可以用app落單，好方便！等緊湯底嘅時候就出咗去夾餸，出面主要都係放咗丸類同蔬菜，選擇好多，每樣夾一粒試下。另加海量嘅蘿蔔熬下個湯，最尾腍晒吸晒啲精華先食～係咖哩飯！日式咖哩甜甜地唔太辣，仲有好多薯仔蘿蔔。返到去個湯底就黎咗啦，橙橙地色嘅海膽湯已經滾起。仲有兩舊海膽同龍蝦另上，望個樣已經好吸引。我地好快手放埋落去熬湯，落埋啲最快食得嘅丸，因為已經勁肚餓咁等食🤤澳洲和牛有任食和牛！！好薄啲雪花紋都好靚🤩碌幾下就食得，又重牛味又嫩，可以一人食一碟都得。特選美國牛肉呢隻牛相比起和牛當然就遜色少少，但味道都唔差嘅，比較有咬口。刺身食食下先記得原來有刺身食，即嗌！每樣都叫咗少少試，甜蝦+虎蝦都可以encore! 三文魚切得比較細條，所以食落都冇咁大陣味，冇個種滿足感。另外赤貝同馬刀貝呢啲夠晒爽口都好正，平時好少見赤貝有刺身，可以瘋狂食夠本了。海鮮蜆、蟶子、帆立貝、牛柏葉，蜆
放工即刻趕過去，好彩book左位唔使等，仲要咁啱上次都係同一個位食！對面都係同一個fd陪我食添呀！
首先我地嗌咗一個新出嘅海膽龍蝦湯，之前就可以用app落單，好方便！
等緊湯底嘅時候就出咗去夾餸，出面主要都係放咗丸類同蔬菜，選擇好多，每樣夾一粒試下。另加海量嘅蘿蔔熬下個湯，最尾腍晒吸晒啲精華先食～
係咖哩飯！日式咖哩甜甜地唔太辣，仲有好多薯仔蘿蔔。
返到去個湯底就黎咗啦，橙橙地色嘅海膽湯已經滾起。
仲有兩舊海膽同龍蝦另上，望個樣已經好吸引。
我地好快手放埋落去熬湯，落埋啲最快食得嘅丸，因為已經勁肚餓咁等食🤤
澳洲和牛
有任食和牛！！好薄啲雪花紋都好靚🤩碌幾下就食得，又重牛味又嫩，可以一人食一碟都得。
特選美國牛肉
呢隻牛相比起和牛當然就遜色少少，但味道都唔差嘅，比較有咬口。
刺身
食食下先記得原來有刺身食，即嗌！每樣都叫咗少少試，甜蝦+虎蝦都可以encore! 三文魚切得比較細條，所以食落都冇咁大陣味，冇個種滿足感。另外赤貝同馬刀貝呢啲夠晒爽口都好正，平時好少見赤貝有刺身，可以瘋狂食夠本了。
海鮮
蜆、蟶子、帆立貝、牛柏葉，蜆啲沙吐唔乾淨，食蟶子好啲，雖然細細條咁但都幾厚肉，另外仲有海蝦同墨丸滑想食，但好可惜賣晒啦。
壽司
係咁嗌黑松露壽司同火灸壽司類，仲有花之戀！都係細細粒容易食，啪多幾舊都唔驚飽。
最後食埋甜品，野飲同雪糕都好齊，雖然都係普通牌子，但選擇都多嘅～
張貼
