更多
2017-05-13
55263 瀏覽
二百零蚊有咁多嘢食又唔算難食，算抵食了！食材就唔會有咩貴價嘢，但總算唔係粗製濫造，而且選擇多。因應個人喜好都搵倒啲亮點架~生蠔 - 即開夠快手，另一人沖水，排隊夠快，但生蠔質素麻麻，蠔味海水味淡，只食咗兩隻。凍海鮮 - 有小龍蝦，青口，藍青口，蝦等。小龍蝦就梗係唔食啦，蝦唔算鮮甜，藍青口味如塑膠。唯獨青口唔錯，煮得火候剛剛好，熟得嚟唔鞋唔韌仲有啲鮮味。刺身 - 有三文魚，吞拿魚，希靈魚同比目魚。三文魚同希靈魚唔食，只試吞拿魚同比目魚。吞拿魚so so, 比目魚果然係比目魚，有啲泥味。哩碟都有半數熟食喺度，唔逐樣講，味道叫還可以。最底嗰煎魚餅似係三文魚肉碎嚟，幾好。焗蠔 - 焗完細細粒，味道唔錯，推介去食自助餐好少會食粥飯粉麵之類，但由於現場提供嘅中湯太油冇咩嘢濕濕哋，就叫個河粉食下。河粉質地非常唔掂，有啲散口，其他配料冇乜特別，比較特別係個湯底，係龍蝦湯底，係有啲龍蝦味。亮點1, 粥 - 粥居然可以係亮點唔係講笑。粥底唔錯唔係一味粉漿，配料最正係有蟹肉，係真蟹肉，加埋瑤柱，皮蛋，鮑片，有啲鮮甜味。唔係開始飽實嚟多碗。抹茶心太軟 - 細細粒新鮮出爐夠晒流心，女士實like其他如芝士ta
生蠔 - 即開夠快手，另一人沖水，排隊夠快，但生蠔質素麻麻，蠔味海水味淡，只食咗兩隻。
凍海鮮 - 有小龍蝦，青口，藍青口，蝦等。小龍蝦就梗係唔食啦，蝦唔算鮮甜，藍青口味如塑膠。唯獨青口唔錯，煮得火候剛剛好，熟得嚟唔鞋唔韌仲有啲鮮味。
刺身 - 有三文魚，吞拿魚，希靈魚同比目魚。三文魚同希靈魚唔食，只試吞拿魚同比目魚。吞拿魚so so, 比目魚果然係比目魚，有啲泥味。
哩碟都有半數熟食喺度，唔逐樣講，味道叫還可以。最底嗰煎魚餅似係三文魚肉碎嚟，幾好。
焗蠔 - 焗完細細粒，味道唔錯，推介
去食自助餐好少會食粥飯粉麵之類，但由於現場提供嘅中湯太油冇咩嘢濕濕哋，就叫個河粉食下。河粉質地非常唔掂，有啲散口，其他配料冇乜特別，比較特別係個湯底，係龍蝦湯底，係有啲龍蝦味。
亮點1, 粥 - 粥居然可以係亮點唔係講笑。粥底唔錯唔係一味粉漿，配料最正係有蟹肉，係真蟹肉，加埋瑤柱，皮蛋，鮑片，有啲鮮甜味。唔係開始飽實嚟多碗。
抹茶心太軟 - 細細粒新鮮出爐夠晒流心，女士實like
其他如芝士tart呀，蛋白脆脆呀，斑蘭疏乎里呀都不錯
生果pancake
亮點2 - 榴槤酥，滿滿嘅榴槤肉放喺鬆化嘅酥皮餅上面，食到後期飽到顛都忍唔住攞多幾件食。其餘仲有榴槤tart同布丁之類。作為榴槤控都幾滿意
haagen dazs雪糕 - 4 種杯 4 種雪條唔駛"筆"餐懵算係咁。但始終都係movenpick勝一籌。
張貼
