影片
更多
2009-09-02
5 瀏覽
今日午餐去咗試新菜。公司附近有間叫“紅山”既日本料理，價錢唔算特別平，但比合理價平少少，而且食物選擇雖然少但味道合格，所以都去過幾次。可惜做咗一年多就摺埋，事隔幾個月，最近終於有人接手，新店叫“友勢日本料亭”，新開張有八八折，咁即係免加一啫。我叫咗一客秋刀魚定食（$38)，個麵豉湯超淡，大家都係飲咗兩啖就放底。開頭見個定食有少少沙律跟好似好正，但望真啲原來件秋刀魚算比較細條，加啲沙律，視覺效果無咁空洞啩！而且條魚無乜味，估唔到煎魚都可以整到咁清淡。啲飯唔係日本珍珠飯，扣分。反而我比較鍾意個中華沙律，幾好味，平日我唔好呢味前菜，但今日我食晒佢。豬扒蛋定食($48)，同事話啲蛋唔會煮到好老，味道方面都算OK，但唔算好食，而且煮滑蛋既汁太多太稀，我都見到碟底有好多水。鰻魚滑蛋定食($52)，我試咗一件，件鰻魚都唔腥，但真係無乜鰻魚味。(隻蛋係屬於碗拉麵既，因為食拉麵既同事唔食蛋，所以過戶畀鰻魚。)野菜拉麵($38)已經係開張後唔到一個月就係菜單上消失，但因為我呢位同事係食素既，所以店方都特別整咗碗畀佢，而且重自動加大咗中華沙律既份量畀佢添，呢點就直得欣賞。但因為個麵鼓湯底實在太淡，我同事要加
我叫咗一客秋刀魚定食（$38)，個麵豉湯超淡，大家都係飲咗兩啖就放底。開頭見個定食有少少沙律跟好似好正，但望真啲原來件秋刀魚算比較細條，加啲沙律，視覺效果無咁空洞啩！而且條魚無乜味，估唔到煎魚都可以整到咁清淡。
啲飯唔係日本珍珠飯，扣分。反而我比較鍾意個中華沙律，幾好味，平日我唔好呢味前菜，但今日我食晒佢。
豬扒蛋定食($48)，同事話啲蛋唔會煮到好老，味道方面都算OK，但唔算好食，而且煮滑蛋既汁太多太稀，我都見到碟底有好多水。
鰻魚滑蛋定食($52)，我試咗一件，件鰻魚都唔腥，但真係無乜鰻魚味。(隻蛋係屬於碗拉麵既，因為食拉麵既同事唔食蛋，所以過戶畀鰻魚。)
野菜拉麵($38)已經係開張後唔到一個月就係菜單上消失，但因為我呢位同事係食素既，所以店方都特別整咗碗畀佢，而且重自動加大咗中華沙律既份量畀佢添，呢點就直得欣賞。但因為個麵鼓湯底實在太淡，我同事要加鼓油同七味粉先食到。
定食唔包飲品，令人好似欠缺點甚麼。雖然可以加$8要壽司(有幾款選擇)，加$5要飲品(好似係汽水、橙汁之類，我見係杯上既都唔想要)，但要加錢就無謂啦。總括而言，呢間店既食物味道，未去到難食既地步，但真係唔可以話佢合格，價錢方面又唔可以成為賣點吸引我再去，我都好難開口叫同事佢多次。新開張就已經係咁，呢間店可以做到幾耐呢？
打開ｏｐｅｎｒｉｃｅ睇埋其他食評，似乎呢間店真係要入啲似樣既貨，再換咗個廚師先有得救。
（我個定食係最遲送到，而我又收到自己嗰份先諗起要映相，所以其他相片已經係同事進食中映既。）
張貼
