更多
2017-07-26
1494 瀏覽
放下午假去書展，入場前先吃午餐。灣仔揾食多選擇，最後打算食西餐。駱克道一帶酒吧，午飯時間都係做 Lunch set，Pizza Bar 我曾經幫襯，覺得幾好食，今日就決定帶朋友來這裡試試。曾幾何時，一到午飯時間，這裏都會爆滿人等位，我們12:50分到達，竟然唔洗等位，還有二人位不用搭枱，真係開心呢！一坐下就立即問要紅湯定白湯，速度真係好快。Lunch set 有四款揀，我揀左蒜茸西冷扒，朋友就揀左蛋汁扒龍利柳，可自由選配意粉/飯/薯菜/沙律。兩碗白湯，味道正常，不過不失。餐湯跟兩片牛油蒜茸飽，味道適中，牛油唔多，不會油膩，麵包不會太硬。湯和包都合格。主菜 : 蒜茸西冷扒，蒜茸汁相當好味惹味，牛扒唔UN有質感，有肉味，但塊扒細左少少，大食嘅朋友肯定唔夠喉啦！主菜 : 蛋汁扒龍利柳，忌廉蛋汁好好味，配龍利柳吃很合適。薯菜 (焗薯，甘笋，時菜)，不是炸薯條，感覺較健康！食到咁上下，伙計主動問飲咩餐茶，都算細心。叫左一杯熱檸茶，一杯熱檸水，都正常地大杯，夠熱，可惜我忘記影相。以我所知，這間酒吧屹立灣仔已超過二十年，午飯時間曾經是座無虛席，但今日竟然不用等位還有卡位剩。裝修廿年未變，懷舊陳設，昏
曾幾何時，一到午飯時間，這裏都會爆滿人等位，我們12:50分到達，竟然唔洗等位，還有二人位不用搭枱，真係開心呢！
一坐下就立即問要紅湯定白湯，速度真係好快。Lunch set 有四款揀，我揀左蒜茸西冷扒，朋友就揀左蛋汁扒龍利柳，可自由選配意粉/飯/薯菜/沙律。
兩碗白湯，味道正常，不過不失。餐湯跟兩片牛油蒜茸飽，味道適中，牛油唔多，不會油膩，麵包不會太硬。湯和包都合格。
主菜 : 蒜茸西冷扒，蒜茸汁相當好味惹味，牛扒唔UN有質感，有肉味，但塊扒細左少少，大食嘅朋友肯定唔夠喉啦！
主菜 : 蛋汁扒龍利柳，忌廉蛋汁好好味，配龍利柳吃很合適。薯菜 (焗薯，甘笋，時菜)，不是炸薯條，感覺較健康！
食到咁上下，伙計主動問飲咩餐茶，都算細心。叫左一杯熱檸茶，一杯熱檸水，都正常地大杯，夠熱，可惜我忘記影相。
以我所知，這間酒吧屹立灣仔已超過二十年，午飯時間曾經是座無虛席，但今日竟然不用等位還有卡位剩。裝修廿年未變，懷舊陳設，昏暗環境，氣氛浪漫，炎炎夏日，烈日當空，走入其中，慢慢嘆個西餐，可說是另一感受。
幾年前曾約友人在這裡午餐，由於太多人等位，我們又想要快食，只好坐在吧枱前的高腳圓櫈上吃(如上圖)，今日這位置卻是空無一人，然而環境食物質素依然好，令我想起香港經濟和飲食文化，是否在不知不覺間起了些變化？
張貼
