韓家韓國料理 (已結業)

今晚點左個火鍋套餐，味道不錯，但上菜速度太慢，湯底等左一個鐘先有！無論堂食抑或是外賣，大家都要等好耐先有食物，真係苦了食客。第一碟上嘅菜係火鍋材料: 一碟蔬菜。明明張枱好大 但果位瘦小戴眼鏡嘅侍應偏偏將碟生嘅食物，放係其中一位家人嘅正前方(留意: 當時枱面只有爐同幾杯飲品，湯底仲未上。)無關係，我地放翻碟菜係枱中間。然後，同一位侍應每次上菜嘅時候，只係拎住碟野唔出聲呆企係我地前面，噢！應該係想我地幫手移開枱面其他野，明白了，所以我地都有幫手。剛才話佢開頭放碟生嘅食物係食客正前方，之後，佢再上碗生嘅肥牛時，都同樣地放係另外一位家人嘅正前方，其實枱仲有好多位呀，而且湯底仲未上，真係好好奇點解會慣性放碟生嘅食物係食客正前方)等左快一個鐘，湯底仲未到，我地就問同一位侍應湯底幾時有，佢只係呆企發呆望住我地，答都無答過我地，我忍唔住喇，我終於反問翻佢: 你係答我地問題嗎？無關係啦，好彩另一位較senior嘅侍應過來答話所有食物5分鐘後有。好喇，食飽喇終於，果位瘦小戴眼鏡嘅侍應過來收捨一下少少枱面，佢將一枝用過嘅攪棍放係我家人嘅水杯入面，杯水係未飲完嘅，佢事前亦都無問過杯水仲要唔要，佢收走左幾隻碟仔