更多
2019-09-23
3037 瀏覽
餐廳：二世祖 (大角咀)地址：大角咀福全街18號地舖大角咀福全街有一間新開左唔夠半年嘅多國菜餐廳，以簡約暗沉嘅工業風裝潢設計風格打造有氣氛嘅環境，而我地坐嘅位置近門口嘅bar枱，枱上有唔少可愛裝飾擺設好彩之前有book位，如果唔係我諗我地應該無位坐，因為二世祖餐廳6點先開始晚市，我地6點到嘅時候門口已經痴上「今晚只招待已預約顧客」，而食飯嘅一個鐘頭入面都坐爆哂人，仲要有唔少walk-in或者book晏少少枱嘅食客想入黎品嚐呢到嘅出名招牌特濃朱古力或者甜品，好彩嘅仲可以提供幾個bar枱位置，但大部分都被拒絕左，因為真係爆場🙈所以下次想黎食飯一定要book位喇明太籽櫻花蝦配青瓜絲扁意粉 $138超濃郁明太籽醬配上扁意粉，每一啖都食到滿滿嘅明太籽醬，非常濃味，櫻花蝦散落係意粉中間，時而散發出櫻花蝦嘅蝦乾香味，加埋青瓜絲，令意粉口感更豐富香辣蒜片鮮茄肉碎巴馬火腿脆配烏冬 $128蒜香蕃茄仔同肉碎令烏冬添上唔少顏色，醃製過嘅材料令烏冬入味之餘仲好惹味。巴馬火腿脆好似豬肉紙咁，鹹香薄脆，呢個烏冬用上嘅辣椒辣而不麻，不過辣度都幾足，唔係好食得辣嘅記得同餐廳職員講返聲先特濃朱古力奶昔 $42特濃朱古力
地址：大角咀福全街18號地舖
大角咀福全街有一間新開左唔夠半年嘅多國菜餐廳，以簡約暗沉嘅工業風裝潢設計風格打造有氣氛嘅環境，而我地坐嘅位置近門口嘅bar枱，枱上有唔少可愛裝飾擺設
好彩之前有book位，如果唔係我諗我地應該無位坐，因為二世祖餐廳6點先開始晚市，我地6點到嘅時候門口已經痴上「今晚只招待已預約顧客」，而食飯嘅一個鐘頭入面都坐爆哂人，仲要有唔少walk-in或者book晏少少枱嘅食客想入黎品嚐呢到嘅出名招牌特濃朱古力或者甜品，好彩嘅仲可以提供幾個bar枱位置，但大部分都被拒絕左，因為真係爆場🙈所以下次想黎食飯一定要book位喇
明太籽櫻花蝦配青瓜絲扁意粉 $138
超濃郁明太籽醬配上扁意粉，每一啖都食到滿滿嘅明太籽醬，非常濃味，櫻花蝦散落係意粉中間，時而散發出櫻花蝦嘅蝦乾香味，加埋青瓜絲，令意粉口感更豐富
香辣蒜片鮮茄肉碎巴馬火腿脆配烏冬 $128
蒜香蕃茄仔同肉碎令烏冬添上唔少顏色，醃製過嘅材料令烏冬入味之餘仲好惹味。巴馬火腿脆好似豬肉紙咁，鹹香薄脆，呢個烏冬用上嘅辣椒辣而不麻，不過辣度都幾足，唔係好食得辣嘅記得同餐廳職員講返聲先
特濃朱古力奶昔 $42
特濃朱古力作為餐廳嘅成名作，又點可以唔試，用上72.5%濃度嘅朱古力，朱古力奶仲要係用人手製造，之後仲要冷藏夠4個鐘先拎出黎賣，務求做到夠滑夠濃夠香，呢杯奶昔唔止於咁，仲有粒粒朱古力碎係面，賣相仲好靚添
士多啤梨奶昔 $42
用新鮮提取嘅士多啤梨配上鮮奶打製成鮮甜嘅奶昔，一樣吸引好味
一間小本經營嘅本地餐廳，無論係環境、受歡迎程度、製作食物嘅用心定食物味道都唔錯，想試嘅話記得一定要book位，順帶一提用餐時間限90分鐘呢
張貼
