野食方面 我哋揀咗 晚市二人套餐 佢包前菜沙律兩份 (裏面竟然有大樹菠蘿 驚喜！)
小食拼盤可以自選三款 我地揀咗馬來沙爹雞髀肉串 馬拉盞魷魚圈 馬拉盞一口蝦多士 蝦多士較有特色 口感鬆脆
主食方面 濃香喇沙煙肉長通粉 賣相吸引 通粉上面放咗半個蛋殼 入面有生雞蛋 撈勻啲通粉更加好食！ 喇沙味非常濃郁 鍾意重口味嘅朋友必定要點
咖哩叻沙海鮮米粉 喇沙非常香濃 配料充足 米粉口感同平時一般食開嘅唔同
甜品叫左自家製班蘭咖央多士 脆多士夾住咖央同埋厚牛油 好邪惡呀！正！
飲品揀左 雙檸冰茶 菠蘿冰茶 清新開胃～👍🏻
