伊賀日本燒肉料理 (已結業)

都有不同刺身擇，食左少少北寄貝刺身同帶子刺身。沙律都多姿多彩，我哋叫咗伊賀沙律同蟹子沙律。另外點少得枝豆同埋牛油金菇呢。伊賀沙律比較多橄欖油及有帶子和三文魚刺身，好和味，菜非常新鮮！蟹子沙律就比較多沙律醬，肥點，但都係異曲同工做法。反而可能覺得蟹子脆又有汁就比較鮮味。提一提，海之卷似花之戀咁。蟹籽好脆，帶子幾新鮮無乾冰凍味，飯都處理得不錯，無散開哂。仲有火炙牛拖羅壽司好吸引紅美美，牛肉好嫩口，夠牛味！牛油金菇好好係係真正小碗燒，好細心切細左，我仲加左一份蒜蓉好調味。嘻嘻，超正，重蒜又嫩菇，好香。同埋用小碗少冇咁容易黑哂，健康好多。點少得真蔬菜，有南瓜、翠玉瓜、茄子同燒京蔥，呵呵。燒得最好係茄子，因為易軟易林點，醬汁易入味。之後肉類，由左至右。頭先燒雞泡魚干、手打墨魚丸、帶骨牛肋肉、比利時五花肉、伊賀一口牛及漬壼牛。燒雞泡魚干，以為整好，點知可以自己整飛舞魚于！超新鮮熱辣辣，好好味，咸咸配酒更一流，喜愛這小食！手打墨魚丸彈牙喎又大粒，正！帶骨牛肋肉係比較愛既牛肉，可能因為有骨，所以比較入味咁同香點，唔係話嫩，但牛肉質好實在同燒耐點也不老！比利時五花肉一半肥一半肉，靚，豬皮都處理無毛，放心