影片
更多
2011-10-16
18 瀏覽
同媽媽造生日，屏棄酒樓叫菜食飯，今年實行攪攪新意思！ 見來佬新開張，裝修懷舊富特色，食物選擇中西合壁又夠多，一於訂位試試！星期六晚７點（黃金時間），客似雲來，來佬３層都開晒，而且層層爆滿！勁！黎之前見有食評壇呢度Ｄ冷氣很凍和服務欠佳，睇番我地成餐飯，以及周圍客人的反應，客觀講，我地又發覺唔係咁差！首先，３樓的冷氣溫度ok，見食客有穿背心有穿短袖衫，連披肩外套都冇人著上，應該唔太凍！其次，在服務方面：有４至５個侍應負責一層，冇漏單，冇客人不滿或表示投訴，見侍應們個個忙到團團轉，挺盡責，而且即叫即到，沒有一刻偷閒！（特別要讚讚那位束馬尾，名牌上寫上＂Samuel＂的女侍應，佢好勤力又有禮貌，每次都溫文地說＂唔該＂，無論加水收碟收餐具都唔駛等人叫，逕自處理好快手，這位女侍應敬業樂業，值得一讚！ ）食物方面，我地６個人點左：一個2人瑞士雞翼餐（包括餐湯Ｘ２，瑞士雞翼６隻，陽光焗豬扒飯，甜品Ｘ２，餐飲Ｘ２），脆皮乳鴿２隻，鴛鴦龍蝦汁海鮮飯，葡汁焗時蔬，蒜容牛油焗田螺配薯容，公司三文治，梳乎厘。忌廉磨菇湯（連牛油餐包）：香濃，唔會太鹹太膩口！磨菇與忌廉湯混和一體，每一口都充滿磨菇茸！呢個湯一Ｄ都唔
同媽媽造生日，屏棄酒樓叫菜食飯，今年實行攪攪新意思！ 見來佬新開張，裝修懷舊富特色，食物選擇中西合壁又夠多，一於訂位試試！星期六晚７點（黃金時間），客似雲來，來佬３層都開晒，而且層層爆滿！勁！
黎之前見有食評壇呢度Ｄ冷氣很凍和服務欠佳，睇番我地成餐飯，以及周圍客人的反應，客觀講，我地又發覺唔係咁差！首先，３樓的冷氣溫度ok，見食客有穿背心有穿短袖衫，連披肩外套都冇人著上，應該唔太凍！其次，在服務方面：有４至５個侍應負責一層，冇漏單，冇客人不滿或表示投訴，見侍應們個個忙到團團轉，挺盡責，而且即叫即到，沒有一刻偷閒！（特別要讚讚那位束馬尾，名牌上寫上＂Samuel＂的女侍應，佢好勤力又有禮貌，每次都溫文地說＂唔該＂，無論加水收碟收餐具都唔駛等人叫，逕自處理好快手，這位女侍應敬業樂業，值得一讚！ ）
食物方面，我地６個人點左：一個2人瑞士雞翼餐（包括餐湯Ｘ２，瑞士雞翼６隻，陽光焗豬扒飯，甜品Ｘ２，餐飲Ｘ２），脆皮乳鴿２隻，鴛鴦龍蝦汁海鮮飯，葡汁焗時蔬，蒜容牛油焗田螺配薯容，公司三文治，梳乎厘。
忌廉磨菇湯（連牛油餐包）：香濃，唔會太鹹太膩口！磨菇與忌廉湯混和一體，每一口都充滿磨菇茸！呢個湯一Ｄ都唔馬虎，絕對唔係溝水或者罐頭湯那種味！
瑞士雞翼：雞翼大大隻脹卜卜，食得出個瑞士汁係甜豉油＋酒，但本人覺得偏鹹左Ｄ！
陽光焗豬扒飯（$88）：上面加隻大陽蛋，賣相驟看似連鎖快餐的煎蛋免牛飯！但呢個飯驚喜在於佢個汁，甜蕃茄之味，唔太酸，很清新！豬扒很鬆化，啖啖肉又冇骨，very good！
脆皮乳鴿（$98一隻）：超讚！皮脆肉嫩唔黏牙！乳鴿夠大隻又厚肉兼入味，送上淮鹽和喼汁，口味由你配搭！
蒜容牛油焗田螺配薯容（$78）：入味惹味又香口，螺肉大大粒，冇腸冇沙，夾埋薯容食一絕！
鴛鴦龍蝦汁海鮮飯（$148）：海鮮配料多，可惜食唔出龍蝦味，而白汁果邊又稀左Ｄ，整體味道較豬扒飯遜色！售$148似乎貴左Ｄ！
葡汁焗時蔬（$62）：個葡汁較得剛剛好，充滿椰漿的香醇又唔膩！時蔬有多種：翠肉瓜，椰菜花，西蘭花，紅蘿蔔，薯仔，蕃茄；用黎送飯又得，淨食又得！
公司三文治（$48）：烘底，真係足料炮製（有火腿，蛋，煙肉，蕃茄，生菜絲，芝士，酸瓜），而且冇欺場！隨三文治上菜的還有小杯沙律，輕怡健康！
梳乎厘（$88）：size雖比太平館細，但有好香牛奶味，泡沫綿軟細滑！
奶凍：好香牛奶味，好滑，上面加有朱古力漿，很甜很窩心！
張貼
