你妳 (運通洋樓) (已結業)

同事話這間台灣菜新開，在路德圍，今日同佢去試下，落小巴就係隔離，地點好方便，店名叫你妳，好特別的名字，紫色為主，地方不大，幾張枱。午餐有麵或飯選擇，我們想食台灣牛肉麵，但係冇晒，12點先開但冇晒店員話冇來貨，又唔想食藥膳，所以我們也叫魯肉飯，小食有4款選擇，我揀了鮮蝦卷拼花枝丸，同事就揀了鹽酥雞配甜不辣。我的古早冬瓜茶，凍的，都幾大杯，唔太甜，Good。這樣擺盤的，有半隻溫泉蛋，青瓜片拌碟，魯肉飯，炸蝦卷同花枝丸，魯肉好味唔太油同肥，蝦卷好味喎，有啖啖蝦肉的，夠香口，花枝丸也是好香同有墨魚粒。同事的雞都好食，炸到乾身，甜不辣就比較實同乾。仲外賣了香芋紫薯同肉鬆香芋吐司，唔甜的，不過有d漏，吐司要熱食先好味，凍了麵包就淋了。