東喜茶 (已結業)

喺呢條街度最近開咗好多間類似嘅飲品店， 而我自己本身就飲過大陸嘅喜茶，都覺得印象唔錯，今次開喺公司附近又難得出嚟行街經過，所以決定買杯嚟返公司試下。排隊排到傻咗呀，建議大家千祈唔好撞正午膳時間嘅時候排隊買，真係分分鐘等你個幾鐘先買到㗎。價錢就一定比大陸嘅貴㗎啦，咁但是味道呢我又唔覺得好好味嘅，不過不失啦。同埋等嘅人真係太多。見到佢哋人手本身唔算好多嘅情況下，但係又接咁多單，都覺得佢哋辛苦㗎。飲筒就記得走嘅時候自己拎，我有個朋友試過買完之後行到返公司先醒起唔記得拎飲筒，搞到又要行多轉。