百得餐廳 (已結業)

佛誕放假, 好多人走入長洲睇飄色, 但我選擇去high tea, 廢事同一迫, 一路hight tea, 一路睇住電視新聞講飄色, 咪又係一樣......... 牛肉炒公仔麵今次淡味咗, d牛又林咗, d麵又林咗, 整體上差咗.......... 雞脾沙律 雞脾越嚟越細隻, 今次真係細得可憐, 莫非d雞長唔大? 但d肉又好鞋, 唔知係炸得過火咗定係隻雞本身老, 所以d肉鞋? 沙律好凍, 凍到牙都軟, 中間仲係有d雪咁, 莫非個雪櫃太凍? 定係放錯咗入冰格? 由於佢d生果切都超細粒, 碎濕濕咁, 所以都好快溶到雪, 留番食完隻雞脾先食沙律, 咁就啱啱好, 凍得嚟唔會太冰.......... 凍奶茶+熱菜蜜標準茶餐廳飲品, 冇乜特別~