The Basic

今次介紹嘅The Basic 位於元朗大坑渠，小店主打外賣手工漢堡，經濟得黎亦有一定質素。今次order左檸檬魚堡（ $26 ）同埋經典芝士漢堡（ $23 ），另外可以加$19轉set，包一罐汽水同我最愛嘅粗薯，都係抵食之選。首先講講魚堡，魚柳嘅外層酥脆，內裡嘅魚肉就軟綿綿，唔會好似一般快餐店嘅咁死實，加埋大量爽脆嘅生菜絲，食落一啲都唔會油膩，而芝士漢堡個人極度推介，手打漢堡肉夠晒足料，有一定厚度之餘亦不乏肉汁，加上溶為一體嘅芝士簡直perfect ，$23一個吊打大部份快餐店。