更多
2020-09-12
3059 瀏覽
一直聽聞位於Eaton Hotel 4/F既Terrible Baby環境好Chill之餘，質素都好高！之前响Eaton只係食過普慶餐廳既自助餐，不過選擇之多同CP值高，已經令我對入面既餐廳有所期待~正所謂聞名不如見面，Happy friday 終於有機會試試佢！餐廳只有Walk-in，七點前到唔洗等位👍🏻餐廳分左indoor同outdoor，我地坐左响indoor，環境好舒服，室內樓底高，空間感足，同埋播放既音樂都好正，唔會太大聲🔉呢排餐廳做緊新既Promotion，Set dinner 加$130就有埋Drink combo🍹可以任飲house wine、beer、果汁同汽水兩個鐘😍平均飲兩杯house wine就回本，好抵！🥂Lobster linguine ($180/+drink combo $310)龍蝦🦞份量一啲都唔小氣，墨汁扁意粉既口感煙韌帶點彈牙，配上香氣十足既鮮茄汁，醬汁都可以沾附响意粉上，呢個配搭好夾👍🏻🥂Salmon & Avocado Wrap ($140/+drink combo $270)呢個煙三文魚牛油果墨西哥卷餅都幾有驚喜，份量幾大，卷餅既餅皮唔會太乾
餐廳只有Walk-in，七點前到唔洗等位👍🏻餐廳分左indoor同outdoor，我地坐左响indoor，環境好舒服，室內樓底高，空間感足，同埋播放既音樂都好正，唔會太大聲🔉呢排餐廳做緊新既Promotion，Set dinner 加$130就有埋Drink combo🍹可以任飲house wine、beer、果汁同汽水兩個鐘😍平均飲兩杯house wine就回本，好抵！
🥂Lobster linguine ($180/+drink combo $310)
龍蝦🦞份量一啲都唔小氣，墨汁扁意粉既口感煙韌帶點彈牙，配上香氣十足既鮮茄汁，醬汁都可以沾附响意粉上，呢個配搭好夾👍🏻
🥂Salmon & Avocado Wrap ($140/+drink combo $270)
呢個煙三文魚牛油果墨西哥卷餅都幾有驚喜，份量幾大，卷餅既餅皮唔會太乾同硬，餡料仲有蕃茄同少少辣椒，再配上一個好泰式既酸甜青醬，口感好fresh✨仲要有薯條伴碟，點埋個泰式醬汁，食到停唔到口😂
🥂Cheese & Cold cuts ($260/+drink combo $390)
芝士風乾火腿拼盤一定係最佳送酒之選👌🏻拼盤分兩盤送上，一盤放芝士同火腿，仲有果乾、餅乾同醃菜，另一小盤放麵包同橄欖😛拼盤有5種芝士同3種火腿，有唔同濃淡味既芝士，火腿就普通，但勝在份量同選擇唔少，同朋友一邊飲洒同Share，好Chill😽
整體質素中上，價錢合理，再配上十分方便既地理位置同咁Relax既環境，同埋員工既服務態度好好，大推🔥值得一提，餐廳既Outdoor Area係有得食Shisha，等遲啲疫情過去，一定要再去😋
張貼
