更多
2017-05-20
8717 瀏覽
有一次喺呢頭附近搵嘢，經過發現呢間餐廳，門面都幾靚幾特別，上網睇review都不錯，於是呢一日約埋朋友一齊嚟試吓好鐘意呢度嘅工業風裝潢呢一晚八點都未到就已經坐滿哂，出面仲有人等緊位，好彩我哋早嚟睇返價錢，散叫嘅價錢加多二三十蚊就可以有個set，咁當然叫set啦［餐湯&法式蒜蓉包］今日嘅餐湯係甘荀薑汁忌廉湯，配搭特別，而味道清淡，都唔錯。蒜蓉包好香口，可惜烘得唔夠脆［黑松露忌廉野菌意大利飯，$168］松露味好香噴噴呀！而且都好多野菌、好大份拉絲芝士、香濃黑松露、creamy醬汁，加埋飯粒嘅軟硬適中口感，係水準之作［煎焗挪威比目魚扒，$248］魚嘅外皮煎得好香脆，下面酸酸甜甜嘅茄汁翠玉瓜、茄子等都意外地好味比目魚味道本身比較淡，但肉質鮮嫩。食嘅時候要小心佢骨頭都唔少呀［炭燒英國21日熟成特級肉眼扒，$378］第一次試以dry aged處理手法嘅牛扒。21日熟成嘅牛扒會比較乾身，但同時肉質又會比較腍，好新奇。呢個扒有足足9安士，一個女仔未必食得哂，同朋友share就最好不過叫咗五成熟，入面仲係粉紅色。咬落果然肉質軟腍，但略嫌比較多筋及牛味較淡［紐約芝士餅&餐飲］蛋糕非常滑溜，芝士味亦濃郁，唔
有一次喺呢頭附近搵嘢，經過發現呢間餐廳，門面都幾靚幾特別，上網睇review都不錯，於是呢一日約埋朋友一齊嚟試吓
好鐘意呢度嘅工業風裝潢呢一晚八點都未到就已經坐滿哂，出面仲有人等緊位，好彩我哋早嚟
睇返價錢，散叫嘅價錢加多二三十蚊就可以有個set，咁當然叫set啦
［餐湯&法式蒜蓉包］今日嘅餐湯係甘荀薑汁忌廉湯，配搭特別，而味道清淡，都唔錯。蒜蓉包好香口，可惜烘得唔夠脆
［黑松露忌廉野菌意大利飯，$168］松露味好香噴噴呀！而且都好多野菌、好大份
拉絲芝士、香濃黑松露、creamy醬汁，加埋飯粒嘅軟硬適中口感，係水準之作
［煎焗挪威比目魚扒，$248］魚嘅外皮煎得好香脆，下面酸酸甜甜嘅茄汁翠玉瓜、茄子等都意外地好味
比目魚味道本身比較淡，但肉質鮮嫩。食嘅時候要小心佢骨頭都唔少呀
［炭燒英國21日熟成特級肉眼扒，$378］第一次試以dry aged處理手法嘅牛扒。21日熟成嘅牛扒會比較乾身，但同時肉質又會比較腍，好新奇。呢個扒有足足9安士，一個女仔未必食得哂，同朋友share就最好不過
叫咗五成熟，入面仲係粉紅色。咬落果然肉質軟腍，但略嫌比較多筋及牛味較淡
［紐約芝士餅&餐飲］蛋糕非常滑溜，芝士味亦濃郁，唔錯
張貼
