鍋心粥底火鍋 (已搬遷) 新店位置

粥底火鍋🍲 ($198/位)-想打邊爐又唔想食得太熱氣，粥底邊爐都係一個選擇🤘🏻。呢間粥底邊爐以新鮮海鮮作為主打，先將韓款自選既海鮮同埋配料淥熟佢食左先，將海鮮既精華留晒係煲內😍，最後先加入粥膽，煮成一煲海鮮粥。-以海鮮作為主打，新鮮是基本吧😏。蝦一上到枱都仲係好生猛，放落水碌一碌就食得啦喂，鮮甜新鮮，唔錯👍🏻！司令仲好中意食佢個魚🐟，魚肉好嫩滑，不過要注意時間，千其唔好煮太耐呀！同場仲有好多肉類🐖🐂、菜類🌿等等既配料簡，$198一定食得飽！-不過要扣分既係，好多時候食餐飯都係為左輕輕鬆鬆享受下，司令已經講到明海鮮唔好上住，因為仲有朋友黎緊，侍應都要堅持要上。過左一陣男侍應仲過黎話：我地啲海鮮本來係新鮮既，而家比你地放到咁！仲有侍應們由司令同朋友一入到店入面坐底之後就不停催，甚至食到最後放粥膽，粥膽都未煮好就閂火要司令同朋友食啦😕，即使煲粥又幾多精華都食唔出啦😞！好多時候食餐飯都係想同朋友享受下，但今次既體驗司令就覺得係貼錢買難受啦，唔會再有下次機會！希望老闆自己會睇到尼篇食評啦。