更多
2016-09-26
7803 瀏覽
今日係賴生同屈小姐既紀念日，屈小姐第一次陪賴生食buffet呀! 而我地既第一次buffet就因為機緣巧合之下尼左逸東酒店!賴生一早出左去接屈小姐放工一齊去啦! 好期待呢一日! 一去到呢，屈小姐已經比門口果架Movenpick雪糕車吸引住左，屈小姐話架車同佢say 緊 hello (搞乜咁似賴生平時出街話聽到富豪雪糕車既召喚咁既…), 加上寬敞既座位，2個人坐4人枱，仲有櫈放埋袋，超舒適! 一坐低放好袋我地已經急不及待咁出去打左個圈睇有咩野食同影:! 屈小姐一早制定左對敵方案，就係…1)先食菜同海鮮 2)熱盤同肉有興趣嘅就夾1份，share食3)試晒先針對性食好食既野 4)Movenpick大清洗(所以網上面成日話有個為食既女朋友，的確係幸福)拎完第1轉野食，我地番到去就已經見到2杯鮮橙汁同2杯水放係枱面講講今次戰績先…我地試左…沙律類 1) 小米沙律 (3星)- 味道ok既，但小米煮得過熟，淋得濟2) 提子合桃長通粉沙律 (4星)- 好清新! 甜甜地配埋合桃脆脆既口感，幾開胃- D提子超甜好味- 唯一一樣缺點係長通粉熟得濟淋晒3) 吞拿魚菜沙律 (2.5星)- 出晒水- 罐頭吞拿魚撈
賴生一早出左去接屈小姐放工一齊去啦! 好期待呢一日!
一去到呢，屈小姐已經比門口果架Movenpick雪糕車吸引住左，屈小姐話架車同佢say 緊 hello (搞乜咁似賴生平時出街話聽到富豪雪糕車既召喚咁既…), 加上寬敞既座位，2個人坐4人枱，仲有櫈放埋袋，超舒適!
一坐低放好袋我地已經急不及待咁出去打左個圈睇有咩野食同影:! 屈小姐一早制定左對敵方案，就係…
1)先食菜同海鮮
2)熱盤同肉有興趣嘅就夾1份，share食
3)試晒先針對性食好食既野
4)Movenpick大清洗
(所以網上面成日話有個為食既女朋友，的確係幸福)
拎完第1轉野食，我地番到去就已經見到2杯鮮橙汁同2杯水放係枱面
講講今次戰績先…我地試左…
沙律類
1) 小米沙律 (3星)
- 味道ok既，但小米煮得過熟，淋得濟
2) 提子合桃長通粉沙律 (4星)
- 好清新! 甜甜地配埋合桃脆脆既口感，幾開胃
- D提子超甜好味
- 唯一一樣缺點係長通粉熟得濟淋晒
3) 吞拿魚菜沙律 (2.5星)
- 出晒水
- 罐頭吞拿魚撈菜…冇特別可言
4) 黑豆沙律 (2星)
- 味道過於特別…唔識食
5)牛肉彩椒雜菜沙律 (4星)
- 好正常既沙律，菜好新鮮
- 呢個沙律既牛肉仲有牛肉味過燒牛肩扒...但超UN....
6) 沙律菜吧 (4.5星)
- 青瓜好爽甜，一流
- 菜都好新鮮好多汁
- 蕃茄仔都好有咬口同juicy
冷盤及刺身類
1) 生蠔 (4星)
- 以呢個價錢黎講，好抵食，佢不停refill, 冇限你拎幾多
- 蠔亦新鮮，但有d腥，同埋好細隻 !
2) 煙三文魚 (4星)
- 每塊都好大塊，亦有三文魚味
- 但略微油膩感重左d
3) 蝦 (4星)
-爽口，彈牙，鮮甜，唔算好大隻，中size
- 拎到第3/4轉有一兩隻淋啲，但極大部份都好食
- 要剥殼好麻煩，好彩有賴生!
4) 翡翠螺 (3星)
- 肉質都爽口既，但有砂!
5) 龍蝦仔 (2.5星)
- 細隻，冇乜蝦味，而且唔太爽
- 要剥殼好麻煩，好彩有賴生! x2
6) 藍青口 (1星)
- 鹹，好鹹，超鹹
- 好細隻同好un
7) 三文魚刺身(4星)
- 新鮮冇雪味!
- 而且份量比得好多，出手闊綽
8) 鯛魚刺身 (3星)
-不過不失，冇雪味但唔算新鮮野
熱盤及肉類
1) 燒牛肩扒 (3星)
- 肉質可以，但略嫌冇乜牛肉味...
2) 燒茄子 (3星)
-調味唔錯~~可惜係太油...
3) 燒雞脾菇 (3星)
- 冇乜味~~~但我欣賞佢切既厚度
4) 雞肉卷 (2.5星)
-食落似...白汁煮雞胸肉
5) 翠肉瓜炒雜菌 (4星)
- 呢個翠肉瓜同雜菌 反而係熱盤中做得唔錯既一味
- 啲菇夠入味，好食過燒雞脾菇!
6) 辣油煮花螺 (2星)
- 唔夠辣同酒味...而且2粒有1粒係死既...D肉散既
7) 吉列豬扒 (2.5星)
- 比大家樂早餐既吉列豬扒差....炸過晒火....超UN
- 唯一係...個沙律醬值得欣賞~~因為好多賴生中意嘅酸瓜(所以比多半星佢)
8) 清蒸比目魚 (3.5星)
- 好大條好多肉，可惜既係冇乜魚味
9) 芝士焗生蠔 (3.5星)
- 呢個芝士焗就唔錯啦!! 芝士味香濃，不過隻蠔細到搵唔到咁濟...!
10) 香草焗海鱸魚 (3.5星)
- 好味! 香草味引出左海鱸魚既味!
- 不過OVERCOOK, 魚肉鞋晒...
11) 薯蓉 (4.5星)
- 你又估佢唔到喎....佢好CREAMY兼入味
- 面頭啲芝士好濃味!
- 值得食下~~雖然會很飽~~
12) 咖哩炒印度香米 (2星)
- 唔夠惹味...炒得太乾
- 點咖哩食都唔好食
- 而且太多香料碎如花椒，八角等，要小心食...
13) 炸雜菜球 (3.5星)
- 幾特別! 食得出用左好多菜同豆! 幾好食
- 兩個人Share一件就岩岩好
14) 雜菜咖哩 (4星)
- 香濃辣都顧及到~~呢個咖哩唔錯
- 而且好多菜~~當中甘筍仲帶甜~~中和番個辣度~~唔錯!
- 注意 : 呢個咖哩辣DD既...
15) 雞肉咖哩 (3星)
- 正正常常啦~~~不過雞肉煮得太耐~~鞋左D!!
- 唔夠香!
16) 印度薄餅 (2.5星)
- UM...油左D...甜甜地同埋口感似麵包....我指麵包舖果D白麵包
- 撈埋咖哩食都OK既
甜品類
1) 焦糖燉蛋 (2.5星)
- TEXTURE 做得唔錯~~好滑~~~但好似薄左D
- 太太太太甜!! 冇蛋味同香!!
2) 巴西香橙燉蛋 (1星)
- 伏!千祈唔好食...劇甜，而且甜味係黎自人工橙味...
3) 麵包布甸 (3星)
- 食得既~~~但唔係真正既麵包布甸~~加番D雲呢拿汁都可以一戰
4) 芒果布甸 (1.5星)
- 比麵包舖既更難食
5) 自家制WAFFLE (3.5星)
-唔差喎! 有得食有得玩!! 自己落手做
- 係綠茶味唔係抹茶味...奶味較重，比較甜
- 係in un texture，面頭都唔係脆果隻(可能我地唔識整)
- 配埋MOVENPICK食超正! (配埋4.5星)
5) 鮮果 (4星)
- 西瓜，哈蜜瓜同菠蘿都好好食!!
- 但火龍果係無味的....
6) MOVENPICK 雪糕 (爆星!! 重點!!)
- 可以任食!! 有11種味咁多!!
- 我地夾埋食左14球....
- 最好味係意大利朱古力，入面夾左朱古力薄片，加添脆脆左口感既朱古力味一流
- 仲可以配左WAFFLE 同 CONE食!! 個CONE好薄好有蛋香嫁!! 正正正!!
- 個廚師仔仲好好，我地話想耍細球啲，每次揀2-3隻味，佢都仲好好笑容無嫌我地煩
另外，佢地收碟同Refill野食都好快手! 我地6:30到食到9點幾，都仲見佢地Refill!
食足3個幾鐘!慢慢食!同埋可能平日唔多人，幾舒服!
#地表最強小三MOVENPICK
#你食甜品個樣最可愛
#中伏個樣都好好笑
#多謝你陪我食>3<
Movenpick雪糕
50 瀏覽
1 讚好
0 留言
張貼
