更多
2016-10-09
4091 瀏覽
莊士倫敦廣場成棟都係餐廳，日式料理邊爐酒樓泰菜燒肉應有盡有，就算無選擇困難症，都最好揀定餐廳，唔係你得到既會係愈黎愈長既搭Lift人龍同成千上萬既宣傳單張。呢間餐廳大部份店員都係韓國人，服務都幾好，主要用簡單英文or普通話溝通。餐廳亦唔似老牌港式韓燒咁自助拎野食，入到餐廳都望多兩眼係咪任食。setting係韓燒爐加爐邊蛋，個蛋未熟既時候睇落色水一般，熟左既時候又OK喎，燒到外脆內軟，亦好香蛋味。飲品有好多選擇，都係韓國出品，剩係啤酒都已經有四款。飲左三款，我個人幾鍾意呢隻黑啤，麥味濃d,亦無咁苦(因為雪得夠凍？)唔同種類既食物pack係同一碟，慳返好多位，唔會放到成枱都係，餐廳肯花多d功夫咁樣安排真係要讚！另外一讚係餐廳提供既生菜，我地一共點左三兜，每一塊菜葉都好乾淨新鮮無穿無爛，近根部位置齊口切左，好放心包燒肉黎食！生菜包牛肉製成品以下係介紹幾款我覺得值得推介既：海鮮類我鍾意生蠔同大蝦，其實韓燒有得燒蠔已經有驚喜，食落質素又唔差喎，唔算肥美，不過有鮮味。而大蝦爽口彈牙，調味料都唔洗點已經好夠味！厚切五花腩：上枱既時候係一大件既(可以睇返上面既圖),燒到差唔多就剪開細細塊，烤多陣就食得
呢間餐廳大部份店員都係韓國人，服務都幾好，主要用簡單英文or普通話溝通。餐廳亦唔似老牌港式韓燒咁自助拎野食，入到餐廳都望多兩眼係咪任食。
setting係韓燒爐加爐邊蛋，個蛋未熟既時候睇落色水一般，熟左既時候又OK喎，燒到外脆內軟，亦好香蛋味。
飲品有好多選擇，都係韓國出品，剩係啤酒都已經有四款。
飲左三款，我個人幾鍾意呢隻黑啤，麥味濃d,亦無咁苦(因為雪得夠凍？)
唔同種類既食物pack係同一碟，慳返好多位，唔會放到成枱都係，餐廳肯花多d功夫咁樣安排真係要讚！另外一讚係餐廳提供既生菜，我地一共點左三兜，每一塊菜葉都好乾淨新鮮無穿無爛，近根部位置齊口切左，好放心包燒肉黎食！
生菜包牛肉製成品
以下係介紹幾款我覺得值得推介既：海鮮類我鍾意生蠔同大蝦，其實韓燒有得燒蠔已經有驚喜，食落質素又唔差喎，唔算肥美，不過有鮮味。而大蝦爽口彈牙，調味料都唔洗點已經好夠味！
厚切五花腩：上枱既時候係一大件既(可以睇返上面既圖),燒到差唔多就剪開細細塊，烤多陣就食得！呢個係一般港式韓燒店少有，而且真係好好味！豬皮有咬口，脂肪部份燒完之後已經所剩無幾，不過香味十足，豬肉就淋身無渣，三合一既感覺好正！點埋醬一齊食真係食唔停口！好食到我地encore左兩次！
羊架：非常厚切，其實韓燒厚切好重要，咁先有多d位置保留肉汁。羊架醃得好味，羊肉肉質細嫩，唔洗用力咬已經可以分開，而且肥瘦適中！
呢度仲有單點料理揀，牛小腸($38),之前無食過所以試下，比想像中大份。牛小腸有豬大腸果種酥香，不過無左果種油憶味，good!
韓燒途中侍應主動換左果燒盆，抵讚！
張貼
