好一鍋海鮮火鍋專門店 (已結業)

星期一嘅晚上， 放工後往油麻地搜購心頭好， 之後與太太步行往佐敦莊士倫敦廣場， 呢座大廈出名食肆多， 打邊爐放題佔嘅比例亦多， 所以搭𨋢遊走睇下邊間比較多人，後來選定這一家， 發覺都要等四枱以上，在等候期間翻閱有關食評，果然好多like, 應該不會中伏吧 另外已在接待處取食物紙選定食物，等候約十五分鐘，埋位即遞纸， 五分鐘後湯底及食物一齊送到, 任點火鍋比較少有嘅元貝、蜆（ 指定特選海鮮）都任點唔嬲， 比較特別一款西班牙白豚肉， 熟咗之後入口鬆化， 比一般火鍋所謂嘅豚肉好食得多， 飲品都係汽水、韓式飲品、中式甜飲等， 不過比較奇怪呢度嘅蔗水係暖嘅， 可能for天氣凍啩！ 另外甜品係自助軟雪糕， 火鍋嚟講比較驚喜！ 350蚊兩個人，物有所值。