今次去到佐敦呢間餐廳，同朋友各叫左一客晚餐，首先有蘑菇湯配餐包，湯中有新鮮的蘑菇粒，入口有咬口之餘，亦都增添湯品的香味，非常之好飲。
接著有分別有兩道主菜，先有明太子虎蝦意粉，3隻大蝦夠晒大隻，加上輕煮之後，香氣撲鼻，而意大利粉加上明太子醬汁之後，更加惹味 ，同大蝦一齊品嚐非常之合拍。
而另一客係炭燒安格斯西冷牛扒，因為用上炭燒的關係，香味更加濃郁，而牛扒熟度亦煎得剛剛好，帶有微微粉嫩的肉身，口感嫩口易入口。
最後仲叫左一客香蕉朱古力班戟配雪糕，班戟即叫即煎，香味十足，而且甜品醬汁非常豐富，食完一定夠晒飽。
