鐵堂 (已結業)

今日去咗佐敦一間非常精緻嘅日本餐廳食下午茶，裏面同出面嘅裝修都好有格調，裏面以灰色為主，坐嘅位置都好舒服，感覺好似去咗日本一啲特色餐廳小店食嘢咁。價錢都算非常相宜，係其中一位負責人招呼我哋，非常之friendly，遞咗個ipad餐牌畀我哋而唔係傳統嘅紙餐牌，價錢以日本餐來講都算相宜，88蚊包曬主餐、前菜、同埋湯，老闆都好有諗頭，套餐有金、銀、銅、鐵四個款式畀我哋揀，我就揀咗烏冬麵，上菜時間好迅速，5至10分鐘已經到。如果喺佐敦想去一間有啲日本特色嘅小店享用一下，呢度真心推薦畀大家！