栢芝餅店 (已結業)

第一次寫食評，決定要將我既第一次交比栢芝餅店某日經過佐敦，見到間鋪頭裝修好夢幻（？）就係女仔見到就會哇哇聲叫果種。不過裝修呢D唔係重點，一見到D凍餅就覺得好吸引，於是就買左唔同味幾件試下首先係隻“檸檬芝士蛋糕”，一開始以為係坊間常見既cheese cake，不過一入口就知唔同，檸檬味夠突出，襯翻D芝士味，食到清新而醒目既味道，唔會太”漏“第二款係“紅桑子松露朱古力蛋糕”，聽個名以為有黑松露（係我無知哈哈）成個cake感覺好有質感，偏苦味朱古力同酸味紅桑子配搭效果出乎意料，最緊要D紅桑子果肉好新鮮！之後試左“士多啤梨乳酪”，士多啤梨就唔係我最愛，不過呢款食落覺得岩岩好，尤其其他餅都朱古力、芝士時，呢款酸酸甜甜走果味路線，食出黎幾煥然一新跟住有兩款“升級版”既慕絲cake，一款係芒果慕絲、另一款係朱古力慕絲。個人對朱古力係有一種偏愛既，而呢款朱古力慕絲都無令我失望，慕絲做得絲滑、入口溶，中間既芒果肉同cream味道適中，中和翻濃朱古力味同慕絲，成個cake都唔會“漏”芒果慕絲呢就係另一個果味路線既作品，鍾意芒果既朋友千其唔好錯過。果肉新鮮，天然，同某D好似加左糖漿（我覺得姐）既芒果蛋糕差好