閨•家 (西九龍中心) (已結業)

有一段時間冇行西九龍中心， 今天下午行經深水埗就入咗去搵食。吸引我的是這家餐廳以冇味精住家老火靚湯作招來～ 仲有心機靚麵， 實在難以抗拒😊喜歡那幅粉色手繪壁畫， 繪畫了舊時深水埗石硤尾一帶嘅社會舊貌 ， 仲提你～見·字·飲·湯，很有意思。五指毛桃淮山煲雞每日唔同款式～ 清甜滋潤， 五指毛桃健脾潤肺， 健康養生， 飲完好舒服。海蜇手撕雞海蜇好爽， 醬汁唔似係麻醬， 唔會好鹹好重味， 反而仲食到雞肉嘅原味， 貫徹健康口味！凍檸茶凍奶茶 ， 正常發揮， 甚至勝過一般茶餐廳。 店員好細心，仲主動提醒顧客可以少冰少甜～手剁鹹魚肉餅豬扒飯手打肉餅，製作認真， 煎得好香， 餡料有鹹魚特別惹味， 肉質又唔乾！👍 醃豬扒也是店家推介， 用香茅醃製， 好腍好入味又夠厚！ 送飯一流～咖哩雞飯可以自選辣度。屋企人揀咗唔辣， 咖哩汁好濃好稠， 充滿椰香，配白飯無得頂。 但是走辣的咖哩反而有點滯， 下次還是小辣較好。 選用雞髀部位，真的啖啖肉！糖心蛋味道唔錯，蛋黃香軟， 只是比較細隻。小店食物出品美味有 heart, 吃完也不覺口渴。👍😋